Koe toe fakamanatu atu pe foki ‘e ni ‘a e hoko koia ‘a Langimalie koe memipa ‘o e PHO pe ko e Primary Health Organization ‘i he lea Faka-Pilitania pea mo hono ‘uhinga ‘o ete hoko ko e Memipa ‘ihe Sosaieti Tonga ki he Mou’I lelei.

Telia ko ha Fa’ahinga na’a nau toki tu’uta mai ki ‘Okalani ni pe koha famili pe ‘oku nau Faka’amu ke nau faka’aonga’i ‘a e ngaahi lelei kotoa pe ‘oku tuku mai ‘e he Potu-ngaue mou’I ke fakahoko atu ‘i Langimalie.

‘I he ‘aho ‘uluaki ‘o ‘okatopa 2003 na’e hoko ai ‘a Langimalie koe memipa kakato ‘iate pe ‘i he PHO.’I he Ngaahi PHO kehe‘oku nau Fakatahataha kinautolu kae lava ke nau hoko ko e memipa ‘i he PHO,Ka ko Langimalie ‘oku nau tu’u tokotaha pe ‘o ikai toe fakaongoongo ki ha taha.

KO E HA KOAA ‘A E PHO ?

Ko e PHO koe kau toketa ,kau neesi, moe kau ngaue kuo ‘osi ako’i mo teu’i ke nau ngaue fakataha I he ngaahi feitu’u pe ‘oku ke me’a ai ke tokoni’I ai koe pe koho’o famili kiha tu’unga ‘oku to e lelei ange ‘o fekau’aki moe mou’i lelei.
 Pe koe Fakalea ‘e taha ke to e mahino ange, Ko ho’o Toketa Fakafamili ia,

 Pea ko Langimalie koe taha ia ‘a e ngaahi PHO ‘oku nau Fakahoko kakato atu ‘a e ngaahi ngaue ‘o fekau’aki moe Mou’I lelei, pea ‘oku nau Fakapapau’I te nau tokoni’I koe ‘I he ngaahi Services ‘oku ‘iai ho’o mou totonu ke  ma’u ‘e koe mo ho’o Famili.

Pea ko e taha ‘a e ngaahi Service pe Ngaue ‘oku tokoni atu ai kiate ko e ‘a e PHO ‘a Langimalie, ko e totongi ho’o sio Toketa

 

Koe ta’u 18 ‘o fai ki lalo ‘oku ‘ikai totongi kinautolu, Ka ko e tau 19 ki he 64 koe Pa’anga pe ‘e 10 ‘a e mamafa taha ho’o sio Toketa, Pea koe ta’u 65 ‘o fai ki ‘olunga ‘oku ta’e totongi pe kinautolu.

Pea ‘oku meimei Pa’anga pe ‘e 3 ,ua pe 1‘a e mamafa taha ho’o faito’o pe ‘ikai totongi kae fakatatau ia ki he Faito’o, ‘Oku fakangofua ‘e he Toketa keke ma’u. ‘Oku tau monu’ia ‘oku ‘iai ha ongo Chemist ‘oku  fengaue’aki lelei  ‘aupito mo Langimalie.’Oku tu’u ia ‘i he Fika 139a Onehunga Mall, Onehunga.

 

 

‘Oku anga fefe koaa ‘a hono tokoni’i fakapa’anga ‘e he Pule’anga ‘a e PHO ‘a Langimalie ?
 
 ‘Oku makatu’unga ia ‘i he tokolahi (pe fika ma’olunga taha ‘oku lesista  mo nau fili ‘a Langimalie ko ‘e nau toketa fakafamili.
 
‘E anga fefee ha’ate Lesisita ‘i he Kiliniki Langimalie ?
 Fu’u Faingofua ‘aupito, ‘Aahi mai ki he Kiliniki Langimalie ‘i Onehunga pe Glen Innes. Fakafonu ‘e mau Foomu Lesisita, Omai mo e Hingoa ,Tuasila ho’o Toketa pea tuku e me’a kotoa ke mau ngaue ki mautolu ki ho’o Faile.

Koia hili pe hono lesisita koe, Kuo ke hoko
leva koe, ko e Memipa ‘a e PHO ‘a Langimalie

‘Aia kuo hoko leva ‘a Langimalie ko ho’o Toketa Fakafamili.

Koia,’oku oatu ‘a e kole kiate kimoutolu,kataki ‘o fakatokanga’I ange ko ho’o tokoni lelei taha ki he PHO ‘a Langimalie
Ke ‘oua teke toe ngaue’aki ‘aha PHO kehe lolotonga koia, oku kei ava mo fai fatongia atu ‘a Langimalie,He teke totongi ‘a e PHO koia pea toe to’o mo e tokoni mei he Pule’anga na’e omai ki Langimalie ke tokoni’I aki koe ‘o ave ia ki he PHO na’a ke sio kiai.
 

KOE HA KOAA ‘A E FAIKEHEKEHE ‘A E MEMIPA ‘I HE SOSAIETI TONGA MO E PHO.

‘I he 1997 na’e fokotu’u ai ‘a e Kiliniki Langimalie ‘i Penrose ‘e he kau Tonga na’a nau Ngaue ‘i he ngaahi falemahaki,Potungaue kehekehe ‘o e Mou’I, kau ai foki mo kinautolu na’a nau ngaue ‘I he ‘api ako Fakafaito’o ‘a ‘Okalani Fakataha mo e Komuniti Tonga, Kau taki ‘a e ngaahi Siasi.

Ko e toketa pe ‘e taha na’e lava ‘o totongi ‘I he taimi koia pea koe toenga ‘o e kau ngaue na’a nau si’I ngaue ‘ofa pe.

Na’e fokotu’u ‘e he Poate ke tokoni’I ‘e he Sosaieti Tonga ki he mou’i lelei‘a e komuniti Tonga ‘ aki ha nau lesisita Pa’anga ‘e 100 fakafo’ou Pa’anga ‘ ‘e 20 he Ta’u ki ha ongo matua moe fanau ‘e toko ono.kanau hoko koe memipa kakato ‘i he Sosaieti Tonga ki he mou’I lelei, koe Pa’anga pe ‘e 5 ‘a e ta’u 19 ki he 64 ‘o tatau ai pe ko e ha e lahi ho’o sio toketa he ta’u pea koe si’i hifo he ta’u 19 moe ta’u 65 ‘o fai ki ‘olunga ‘oku ta’e totongi pe kinautolu

Ko ‘ete hoko pe koe memipa ‘I he Sosaieti Tonga ki he Mo’ui lelei ‘oku te kau leva kita ki he fili ‘oe kau memipa ‘oe Poate.

     Ko e me’a tau’ataina pe ‘akita kete hoko ko e memipa  he Sosaieti Tonga ki he Mo’ui lelei, pe ko ‘ete  sio toketa pe ‘a kita ‘I Langimalie ni he ‘oku kei tokoni’I pe kita ‘e he PHO.
 

Ki hano toe Fakaikiiki ‘o e PHO pe ko e memipa‘i he Sosaieti, Fakamolemole ka mou fetu’utaki mai ki he Pule ‘o Langimalie, kau ngaue,pe koe motu’a oku fakahoha’a ke nau tokoni atu ai.

 

 Fika Telefoni 09-636-4129 pe ko e 09-636 -3629 Kiliniki Onehunga, Ko e va’a ‘i Keleni Inesi 09-521-3629.
‘I he faingamalie ko ‘eni te tau fanongo ai ki ha fo’i fasi, pea hili koia ‘e fai ha fepolotalanoa’aki mo e Pule ‘o Langimalie.