Koe founga fo’ou ‘eni mo faingofua kihe fai ‘oe sivi taunga fanau.
Koe fakahinohino ko ‘eni e tokoni ia kiate koe keke lava pe ‘e koe ‘o fai ‘ae ki’i sivi ko’eni (suopu mei he vagina).
Kapau ‘oku ‘ikai keke fakapapau’i ‘ae anga hono fai ‘ae sivi ni pea ke fetu’utaki ki ho’o neesi ke tokoni atu.
Kapau ‘oku ke fili keke fai pe ‘ae sivi ni ‘e fakahinohino atu leva ‘ehe neesi ka kapau leva ‘oku ke faingata’a’ia pe ‘oku ‘iai ha’o fehu’i pea ‘oku ‘ataa pe keke fehu’i kihe neesi.
Fakapapau’i ‘oku tonu pe ho hingoa ihe foomu. ‘E fiema’u ‘ae me’a kotoa pe ke fakafonu ke tonu kau ai moe ‘aho ‘e fai ai ho’o sivi.
Fefe leva kapau ‘e ‘iai ha me’a ‘e fehalaaki?
‘E faingofua ‘aupito ho’o fai pe ‘e koe ho’o ki’i sivi pea e lava ia ke fakasi’isi’i ai ha fehalaaki.
‘E sai pe ke hokoatu ‘ae sivi ‘okapau:
Teke lave pe tau hoku nima ‘ihe suopu neongo ‘oku fiema’u ke feinga ke ‘oua e tau ai hoku nima.
Na’e ‘ikai ke loloa fe’unga ki loto ‘ae ki’i va’akau soupu.
Kapau na’e too ho’o suopu, kataki kake fakahaa kihe neesi ke ‘omai hano fetongi.
Ngaahi fekau
STEP ONE
Fanofano ho nima ‘aki ‘ae vai moe koa pea holoholo ke matu’u.
STEP TWO
Vakai’i ha feitu’u kia koe tokotaha pe ke fai ai ho’o sivi. ‘E fiema’u leva ke ‘ai ‘ae suopu (swab). Vakai’i pe ha founga teke ongo’i fiemalie kiai pe ko ho’o tangutu pe, tu’u pe ‘i ‘olunga, tokoto ki lalo, pe ko ho’o sikesike ki lalo (squat). Kapau leva he’ikai teke ongo’i fiemalie kihe ngaahi founga ni, pea ke fetu’utaki leva kihe neesi ke tokoni atu.
STEP THREE
To’o leva kitu’a mei he milemila ‘ae ki’i hina pe tiupi ‘oku ‘i loto ‘ae suopu. Feinga ke ‘oua teke lave pe tau ho nima kihe suopu (swab).
STEP FOUR
Puke leva ‘ae suopu i lotomalie hange koia ‘oku ha ‘ihe fakataataa, faka’aonga’i ho nima ‘e taha ke faka’ata’ata ho fakafefine (vagina), pea fakahuu leva ‘a ho’o va’akau suopu ki loto fakafuofua kihe senitimita e 4 kihe 5.
‘Oku mahino ‘eni koe tokolahi kuo nau fakamo’oni’i ‘oku faingofuaange ‘ae founga ni. Kapau teke ongo’i ‘oku mamahi kataki to’o kitu’a ‘ae va’akau suopu kae ‘oleva keke ongo’i fiemalie pe ko ho’o fetu’utaki kihe neesi ke tokoni atu kapau ‘oku ke fiema’u ha tokoni.
STEP FIVE
Vilo takai ‘ae kii va’akau suopu tu’o 4 fakafuofua kihe sekoni ‘e 20 pea to’o leva kitu’a mamalie pea ke fa’o leva ‘ae suopu koia kihe ki’i tiupi pe ki’i hina.
STEP SIX
‘Ihe ‘osi ho’o tanaki ho’o samipolo pe koe me’a na’e ma’u ‘ihe suopu na’a ke ngaue’aki, vakai kihe tohi fakahinohino kihe sitepu hoko teke fai kihe suopu. Fakapapau’i ‘oku ma’u mo malu ‘a hono sila’i ‘ae ki’i hina.
STEP SEVEN
Faka’auha leva ‘ae me’a na’a ke ngaue’aki ‘o lii kihe pini veve pe ake fanofano leva ho nima ‘aki a’e koa moe vai ke ma’a pea holoholo foki ke matu’u.
STEP EIGHT
Fa’o leva ‘ae foomu kuo ‘osi fakafonu kihe ki’i milemila, sila’i pea ‘ave leva kihe neesi kene ‘ave ‘ae samipolo kihe feitu’u ‘oku fai ai hono sivi (lab).
There may be some variation between the type of self-test swab shown in this guide with the swab used by your healthcare provider.
