Ko e tohi fakataukei ki he sivi kanisā ngākau´
Ko e ma‘u kei taimi´ ‘e iku ai ki ha mo‘ui ‘oku fuoloa, mo lelei ange.
Ko hoʻo sivi he ʻaho ni´ ko ho moʻui lelei ia ʻamui´. ʻOku faingofua pea ʻoku ʻikai ke mamahi.
Ko e kanisā ʻo e ngākau´ ʻoku lava ke ake fakatuʻupakē, ʻo ʻikai ke te ʻilo´ ki ai. Ko e meʻa ia ʻoku mahuʻinga ai hono maʻu kei taimi´.
Ko e sivi´ ko e founga lelei ʻaupito ia ki hono maʻu kei taimi e kanisā ngākau´ kimuʻa pea mafola. Faingofua leva heni hono faitoʻo´ pea hao ai mo e moʻui ʻo ha niʻihi.
ʻO kapau ʻoku´ ke taʻu 50 ki he 74, ʻe malava ke ke fakahoko fakataʻu ua e sivi ko eni´ koeʻuhī ke ʻohake ai e fakatuʻutāmaki tuʻu lilo´.
Ka maʻu kei taimi e kanisā ngākau´ ʻoku aʻu ʻo 90% e niʻihi ʻe ala faitoʻo kakato´. Ka ʻohake ai ha kanisā, ʻoku malava ke toʻo ki tuʻa ha ngungu pe meʻa ʻoku tupu (pe polyps) kimuʻa pea faingamālie ke liliu ʻo kanisā. Ko e polyp ko e fanga kiʻi konga ikiiki kuo tupu fakalalahi he loto ʻaofi e ngākau lahi´.
Ngaahi meʻa ke fakatokangaʻi
Kapau ʻoku ʻi ai ha meʻi toto ʻoku ʻasi he tuʻumamaʻo´ pe ko e halanga tuʻumamaʻo´,
ʻoku malava ke hoko eni ko e fakaʻilonga ki ha meʻa ʻoku tupu he ngākau´ ‘o hangē ko e polyps. ʻOua naʻa´ ke ongoʻi mā; ko e tauhi ho moʻui lelei´ ko e meʻa mahuʻinga taha´ ia.
Tuʻu ko e takimuʻa, fai e sivi´ pea hoko ko e sīpinga tauhi lelei.
