Ko e tohi fakataukei fakaʻauliliki ki hono fakahaofi kita mei he Kanisā Huhu´
Founga hono 1 – Puka haʻo ʻapoinimeni he ʻaho´ ni ki ha fakaʻata huhu taʻetotongi (pe mammogram)
ʻOku lava he fakaʻata huhu´ ʻo ʻohake kei taimi e kanisaa´ koeʻuhī he ʻoku lava ke fakaʻasi ai ha feliuliuaki ʻoku hoko kimuʻa pea lava ke te fā ki ha foʻi ngungu.
ʻOku lahi ange faingamālie ke faitoʻo ʻo te hao moʻui he kanisā huhu´ ʻo kapau ʻoku maʻu vave pea maʻu heʻene kei siʻisiʻi´.
ʻOku taʻetotongi hono fakahoko fakataʻu ua e fakaʻata huhu´ʻo kapau ʻoku:
Ke taʻu 45 ki he 69
Ke hao mei he ngaahi fakaʻilonga ʻo e kanisā huhu´
Teʻeki fakahoko haʻo fakaʻata huhu he māhina ʻe 12 kimui ni´
Founga hono 2 - Tauhi kita ʻi ho tuʻunga ko e tokotaha mahuʻinga taha he fāmili´
Ko e kanisā huhu´ ʻoku uesia lahi taha ai e kakai fefine ʻi Nuʻu Sila ni´. ʻOku ʻova he toko 3,000 e kakai fefine ʻoku maʻu he taʻu kotoa.
Ko e kanisā huhu´ ʻoku lava ke mafola ki he toenga e sino´ ʻi he ngaahi kālava fetuku huhuʻa mo e kālava toto´.
ʻO kapau ʻoku´ ke taʻu 45 ki he 69, kuo pau ke fai ho sivi´ he taimi´ ni pē. Hoko ko e poupou mo e tokoni ki ho ngaahi kaungāmeʻa´ ʻaki hoʻo vahevahe mo kinautolu ho aʻusia´ pea fakalotolahi ke fakahoko mo ʻenau fakaʻata huhu´.
ʻI he ʻosi ʻa e fakaʻata´ mo hoʻo tali ki he fakaʻata he taʻu ʻe ua ka hoko´, ʻoku tonu ke ke mātuʻaki tokanga ki ha feliuliuaki ʻe hoko ki ho huhu´ pea fetuʻutaki vave ki ho toketaa´ ʻo kapau ʻoku´ ke ongoʻi ha meʻa.
