Ko e tohi fakataukei ki hono maluʻi koe mei he kanisā ʻo e matapā ʻo e taunga fanau (pe cervix)
Kuo maʻu ʻeni e faingamālie ʻa haʻa fafine ke nau fili ki he polokalama sivi foʻou ʻa Langimālie ki he kanisā e matapā ʻo e taungafanau´.
ʻOku vave, faingofua, pea ‘atā ko e tokoni maʻau.
Kapau ko ha fefine koe ʻoku taʻu 25-69, pe 70-74 kae teʻeki sivi ʻangataha, pē ʻo kapau kuo taʻekakato ho sivi´, ʻoku ʻatā ʻemau kilīniki´ ke ke meʻa mai ki ai.
ʻOku mahino kiate kimautolu e pelepelengesi fakafoʻituitui ʻa e moʻui lelei ʻa haʻa fafine. Ko ia ai, ʻoku ua e founga sivi ki he matapā ʻo e taungafanau´ ʻo fakatatau ki he meʻa te ke ongoʻi fiemālie ki ai´ mo e meʻa ʻe faingofua taha kiate koe´. Ko e kakai fefine kotoa ʻi ʻOkalani ʻoku ʻatā ke fai ki ai e sivi´, ʻe malava ke fakahoko ia ʻe ha taha taukei pē ko hano fakahoko pē ʻe kita e sivi´.
Find out more about the Self Conducted test, including instructions here.
Ko e sivi ki he kanisā ʻo e matapā ʻo e taungafanau´ ʻoku ʻatā ia ki he:
Kakai fefine taʻu 25 – 69 ʻoku Mauli, Pasifiki pe maʻu haʻanau Kaati Sēvesi Fakakomiunitii´ (pe Community Services Card)
Ha faʻahinga matakali pē – ʻo kapau kuo taʻu 5 mei hoʻo sivi kakato (pe cytology – ʻa ē ʻoku fakahoko ʻe ha toketā pe neesi) fakamuimui taha´ PE ko e taʻu ʻe 7 mei hoʻo sivi HPV fakamuimui taha´
Kakai fefine taʻu 70 – 74 ʻo kapau kuo teʻeki maʻu ha ola sivi hokohoko ʻe ua ʻoku hao
(ʻi he sivi kakato pe cytology) ʻi he vahaʻa taʻu 62 – 69Ko ha ola ʻoku ʻhao mei he HPV’ ʻi he taʻu ʻe nima kimuʻa pea te aʻu ʻo taʻu 70
Kakai fefine teʻeki sivi´, kakai fefine taʻu 30-74 (ʻoku teʻeki ʻangataha ke sivi kinautolu ki he kanisā e matapā ʻo e taungafanau´).
