Tauhi ho mālohi´, tauhi ho moʻui lelei´, fakakakato ho huhu maluʻi´ he taimi´ ni

Huhu kei taimi, huhu fakataʻu pea tauhi e moʻui lelei hotau komiunitii´.

Ko e fuluu´ ʻoku ʻikai ke tatau ia mo hono maʻu kita he momoko´. ʻOku ake fakafokifā hono fakaʻilonga´ pea kau ki ai e mofi´, fakamokosia´, felālāngaaki´, hafuhafu e ihuu´, tale, nounou e mānava´ mo e mamahi ʻa e kete´.

ʻI heʻetau feinga ke tauʻi e fuluu´, ko e taimi´ ʻa e meʻa mahuʻinga taha´. Koeʻuhī ko e ofiofi mai ʻa e faʻahi taʻu fuluu´, ʻoku ʻikai ngata e mahuʻinga hoʻo huhu maluʻi´ kiate koe pē – ka ʻoku tokoni ia ki he moʻui lelei fakalūkufua ʻa e komiunitii´.

Ko e huhu maluʻi fuluu´ ʻoku taʻetotongi ia ki he:

  • Fānau mahina 6 ki he taʻu 12 

  • Kakai taʻu 65 ki ʻolunga 

  • Kakai fefine feitama

  • Kakai Mauli pe Pasifiki taʻu 55 ki ʻolunga

  • Kakai ʻoku ʻi ai haʻanau ngaahi fokoutua tauhi

Fakakakato ho huhu maluʻi´ he taimi´ ni kimuʻa pea aʻu mai e toʻu fuluu´.

Langimalie clinics: Onehunga – Otahuhu – Panmure – Kelston