Ko e tohi fakataukei ki he moʻui lelei ʻo e ngutu ʻetau fānau ako tokamuʻa´
Kamata kei taimi kae fakatonua honau hala´
ʻI he lalahi hake ʻa e fānau´, te nau tokanga ange ki heʻenau fakafōtunga´. Te nau fie hā fakaʻofoʻofa, pea ongoʻi ʻoku tauʻatāina ʻenau fotuaki´.
Ko e nifo lelei heʻete fuʻu lahi´ ʻoku kamata ia ʻi hono akoʻi ki he longaʻi fānau he ako tokamuʻa´ ha ngaahi ʻulungaanga tauhi nifo lelei lolotonga ʻenau kei iiki´.
Ko e fufulu nifo tuʻo ua he ʻaho ʻaki e kilimi fufulu nifo fuluolaiti´ (pe fluoride) ʻe tokoni ia ki hono fakasiʻisiʻi e ava ʻa e nifo´ pea fakaleleiʻi ai mo e moʻui lelei fakalūkufua honau ngutu´. ʻOku toe fakasiʻisiʻi heni haʻanau iku ki he ngaahi faitoʻo nifo mamafa´ ʻi haʻanau fuʻu lahi hake.
Ko e taimi eni ke kamata ai´.
Ngaahi Peki Fakafāmili´
ʻOku ʻi ai ha ngaahi peki fakafāmili taʻetotongi ʻe ala maʻu atu he taimi´ ni, ko e tokoni ke tauhi e moʻui lelei ʻo e ngutu ʻetau longaʻi fānau he ngaahi ako tokamuʻa´.
ʻOku kau ki he ngaahi peki fakafāmili´ ha ngaahi polosi fufulu nifo taʻetotongi, mo e kilimi fufulu nifo fuluolaiti maʻa´ e fānau he toʻu ako tokamuʻa´ mo e niʻihi ʻoku nofo honau ʻapi´.
MAʻU ATU HA NGAAHI PEKI FAKAFĀMILI ʻI HE POLOKALAMA SIVI MOʻUI LELEI ‘A E FĀNAU AKO TOKAMUʻA´
Māhina 5 – 7,
Māhina 9 – 12,
Māhina 15 – 18, mo e
Taʻu 2 – 3.
