Ko e tohi fakataukei ki hono maluʻi e fānau´ mo e toʻutupu´ mei he mofi hui´
ʻOku´ ke meaʻi ʻoku liunga 24 e tuʻu laveangofua ange ʻetau longaʻi fānau´ mo e toʻutupu´ ki he tokoto falemahaki mo e mofi hui´ ʻo fakatatau ki he ngaahi matakali kehe´?
Pea ʻoku toe lahi ange mahaki´ ʻi ʻOkalani fakatatau ki he ngaahi vahefonua kehe´.
Ko e 24 ko e fika lahi ʻaupito ia, ka ʻe malava ke holoki hifo eni kapau te tau ngāue fakataha, he taimi´ ni pē.
Ko e hā e ngaahi fakaʻilonga ʻo e mofi hui´?
Ko e mofi hui´ ʻoku kamata ʻaki ia e mamahi ʻa e monga´.
ʻOku ʻikai ko ha meʻa foʻou e mamahi e monga ʻetau longaʻi fānau´, ka ʻo kapau ʻe tuku taʻefaitoʻo, ʻe iku lava eni ʻo fakalalahi ki he mofi hui´.
ʻE lava ke hoko mei ai ha ngaahi mahaki lahi ʻo e mafu´, ʻo ʻikai hano toe faitoʻo.
Ko e mofi hui´ ʻoku lava ke ake, fefulofulai mo mamahi ai e ngaahi hokotanga hui he kongaloto´, tui´, tungaʻivaʻe´, tuiʻi nima´ mo e fasiʻanima´.
Fakatokangaʻi ange ʻe malava ke toe ʻasi mo e fakakulokula he kili´, mofi pe ko e ngaʻunu tahamuhamu holo.
