Polokalama Fakaholofononga ʻa e Toʻutupu Pasifiki´

Ko e taʻumuʻa tefito ʻemau sēvesi Fakataukei pe Fakaholofononga maʻa´ e Toʻutupu´ ko hono uki, fakaai mo fakamafaiʻi e toʻutupu´ ke nau toe tauʻatāina ange pea ke nau hoko ko e kakai tokoni lelei ʻi he sosaieti´, fāmili´ mo e komiunitii´.

Ka lava ke tau makupusi e fihifihi ʻa e fiemaʻu ʻetau toʻutupu´ mo ʻenau ngaahi fāmili´ ʻe lava leva ai ke nau aʻu ki he tumutumu ʻa e meʻa ʻoku nau mafeia ʻi heʻenau moʻui´.

ʻI hono poupoua mo fakalotolahi kinautolu´, ʻe lava ke fakalelei he toʻutupu´ ‘a e tuʻunga ʻenau moʻui´ ʻi heʻenau maʻu ngāue´, fakalava ʻenau ako ʻi he ngaahi ako māʻolunga´, mo fokotuʻu ha taumuʻa ki heʻenau moʻui´ taautaha. ʻI heʻenau maʻu e ngaahi meʻa´ ni, ʻe hoko e toʻutupu´ ko e tokoni ki he fakalakalaka ʻenau komiunitii´, fāmili´ mo e ʻenau lelei´ fakafoʻituitui´.

Ngaahi sēvesi te mau ala tokoni atu ai´

Ko e sēvesi Fakaholofononga Maʻa´ e Toʻutupu´ ʻoku maʻu mei ai ha ngaahi tokoni ʻofa pea fai hono fakafehokotaki
e ngāue tokoni´ ki heʻetau ngaahi fāmili´
ʻi he ngaahi malaʻe kehekehe ko eni´:

Sivi HEADS (Fakaʻekeʻeke fakalūkufua ki he moʻui ʻetau longaʻi fānau´)
Taʻemaʻu Ngāue´ & Ngaahi Tohi Aleapau´
Fakamaau Totonu´ mo e Faleʻi Fakalao´
Sēvesi Fakafaitoʻo & Fakasōsiale´
Tokoni Hiki Fonua pe Fefolauʻaki´
Tokoni Fakaako & Maʻu Ngāue´
Ako Fakaʻuli´
Faʻu Tohi Puipuituʻa ki heʻete Ako mo e Ngāue´ (pe CV)
Fakapotopoto Fakapaʻanga´
Fai Faleʻi

Laukonga ʻi he Lea Faka-Pilitānia´
Hala Fononga & Fakataukei ki he Hiki Lakanga´
Kautaha Fakalele Polokalama Ako & Fakataukei
Polokalama Faitoʻo Konatapu & Kava Mālohi
ʻa e Toʻutupu´
Faleʻi ki he Maʻu ʻApi´ & ʻAʻahi ʻoku fai ai´
Feitama Taʻepalani´
Moʻui Lelei Fakaʻatamai ʻa e Toʻutupu´
Moʻui Lelei Tefito ʻa e Toʻutupu´
Fakafehokotaki ki he ʻAʻahi Mateuteu ki he Ngāue´

IOU

Ko e Vaʻa ki he Ola Fakatahataha´ (pe Integrated Outcomes Unit) mo e ngaahi senitā fakafaitoʻo´ te nau tauhi e hohoko taʻemamotu ʻa e tokoni ʻoku fai maʻa´ ʻetau ngaahi fāmili´ ʻaki ʻenau fakatahatahaʻi ha ngaahi founga tokoni fakafaitoʻo mo ha ngaahi founga tokoni kehe maʻa´ ʻetau ngaahi fāmili´ mo e toʻutupu´ ke nau maʻu ola lelei ʻi he ngaahi toʻutangata´ hono kātoa, fokotuʻu ai ha ngaahi tefitoʻi fakakaukau ki he fakalakalaka fakakomiunitii´ mo hono fakaai e fāmili ke nau lava ‘o matuʻuaki e faingataʻa´.