Ngāue Fakaholofononga Maʻa´ e Toulekeleka´ mo e Niʻihi Faingataʻaʻia´
Ko hono Poupoua ʻEtau Kau Toulekeleka Pasifiki´ mo e Niʻihi Faingataʻaʻia´ ʻaki ʻetau Tokanga´ mo e Tauhi Honau Ngeia´
ʻI he Sosaieti Tonga ki he Moʻui Lelei´, ʻoku mahino kiate kimautolu e ngaahi fiemaʻu makehe ʻetau kau toulekeleka Pasifiki´ mo e niʻihi faingataʻaʻia´. Ko ʻemau ngāue Fakaholofononga ki he Tauhi ʻi ʻApi´ (Homecare Navigation Service), ko ha sēvesi ia kuo fokotuʻu ke mahino ʻoku maʻu ʻe heʻetau kau toulekeleka´ mo e niʻihi faingataʻaʻia´ ʻa e tokanga lelei taha´, pea tokoniʻi kinautolu ke fiemālie mo tauʻatāina ʻenau nofo´ ʻi honau ngaahi ʻapi´ taautaha.
ʻOku mahino kiate kimautolu e faingataʻa ki he kau tauhi´ kae pehē ki he niʻihi toulekeleka mo faingataʻaʻia´ ke nau ʻilo e feituʻu ʻe ala maʻu atu mei ai e tokoni´.
Ko ʻemau taumuʻa´ ke fokotuʻu ha tokoni fakahalafononga maʻa´ e komiunitī Pasifiki´ ke faingofua hono fakaaʻu kia kinautolu e ngaahi sēvesi ʻoku feʻunga mo fiemaʻu´.
Ngaahi Meʻa ʻe Ala Maʻu Atu´
-
ʻOku mau tokaʻi mo fakakau e ngaahi tefitoʻi tui Pasifiki´, tukufakaholo´, mo e lea´ ʻi heʻemau ngaahi sēvesi´ ke mahino ʻoku taau pea feʻunga ʻemau tokoni´ mo ʻetau ʻulungaanga fakafonua´.
-
ʻOku fakamuʻomuʻa ʻi heʻemau ngāue´ hono tauhi e moʻui lelei´ fakalūkufua, ʻo kau ai e moʻui ʻa e sino´, ʻatamai´ mo e laumālie´ ke tauhi ʻaki e moʻui lelei mo e mafai lava meʻa ʻetau kau toulekeleka´ mo e kakai faingataʻaʻia´.
-
ʻOku mau tokoniʻi e kau toulekeleka´ mo e kakai faingataʻaʻia´ ke tolonga ʻenau nofo honau ngaahi ʻapi´ taautaha, pea mahino ʻoku tauhi kinautolu ʻi ha tuʻunga ʻoku māʻolunga pea faingofua hono fakafehokotaki kinautolu ki he ngaahi sēvesi ʻoku nau fiemaʻu´.
-
ʻOku mau ngāue vāofi mo e kau ngāue fakafaitoʻo´, kautaha fakakomiunitii´, mo e ngaahi fāmili´ ke fokotuʻu mo aleaʻi e tokoni ʻoku feʻunga taha mo ʻetau kau toulekeleka´ kae pehē ki he niʻihi faingataʻaʻia´, ke mahino ʻoku fakaaʻu kiate kinautolu e sēvesi totonu ʻi he taimi totonu.
-
ʻOku mahuʻinga kiate kimautolu e kau mai ʻa e fāmili´ mo e kāinga´ ʻi he tauhi ʻoku fai´, pea mahino kuo kakato e fakahoko fakamatala´ mo e poupou ʻoku fai maʻa´ e fāmili´.
Tui mo e ‘Amanaki Navigation Service
Tuʻunga 1 - Fakakau e Kakai´
The process begins when the elders, disabled community or family initiates contact with Tui mo e ‘Amanaki.
Tuʻunga 2 - Fuofua ʻAʻahi´
Tui mo e ‘Amanaki conducts a comprehensive assessment that includes cultural, health, and personal needs. We can provide support accessing Incontinence Products, Personal Care Support, Mobility Aids, Carer Support, Hospital Beds, Respite.
Tuʻunga 3 - Fakahoko e Palani Tauhi´
Based on the assessment, a personalised care plan is developed in consultation with the elder, disabled person and family.
Tuʻunga 4 - Fokotuʻutuʻu Ngāue´
Tui mo e ‘Amanaki coordinates with
various healthcare providers and community services.
Tuʻunga 5 - Fakahoko Ngāue´
The elders and disabled community receives the agreed-upon services.
Tuʻunga 6 - Muimuiʻi Hokohoko e Ngāue´
Tui mo e ‘Amanaki regularly monitors the elders and disabled person’s condition
and satisfaction with services.
Tuʻunga 7 - ʻAʻahi Foʻou mo hono Fulihi´
The care plan is reviewed periodically,
and adjustments are made as needed.
Ko e ngāue ko ʻeni´ ʻe hokohoko maʻu pē, pea ʻaʻahi foʻou ʻo ka fiemaʻu, ke mahino ʻoku hokohoko e tauhi mo e tokanga ʻoku fai maʻa´ e niʻihi toulekeleka mo faingataʻaʻia he komiunitii´.
Founga te mau ala tokoni atu ai´
Tokoni ʻa ha Niʻihi Taukei ʻi Hotau Anga Fakafonua´
ʻOku mahino ki heʻemau timi´ ʻa e makehe ʻa e fiemaʻu ʻetau kau toulekeleka Pasifiki´ mo e niʻihi faingataʻaʻia´ pea ʻe tauhi kinautolu ʻi ha founga ʻoku´ ne tokaʻi honau tukufakaholo´ mo e ngaahi tefitoʻi tui´.
Faingofua hono Fakaaʻu atu e Ngaahi Sēvesi´
Te mau fakafaingofuaʻi hoʻo fekumi mo fakaʻaongaʻi e ngaahi sēvesi moʻui lelei ʻe ala maʻu atu´, mo mau tokoniʻi koe ke ke fili e tokoni lelei taha maʻau´.
Tokoni Atu ʻi he Tuʻunga Kotoa Pē
Pe ko e feinga ke te ʻilo e tokoni ʻe ala maʻu atu´, pē ko hono aleaʻi e tokoni ʻoku fiemaʻu´, ʻoku mau ʻi heni´ ke fakapapauʻi ʻoku malu mo fakangeingei e fakatōtōlaʻā mo e nofo ʻa e kau toulekeleka Pasifiki´ kae pehē ki he niʻihi faingataʻaʻia ʻi he komiunitii´.
Ko e fakaʻamu ʻa e sēvesi “Tui mo e ʻAmanaki” ʻa e Sosaieti Tonga ki he Moʻui Lelei´ ko hono poupoua ʻetau kau tauhi Pasifiki´, kau toulekeleka´ mo e niʻihi faingataʻaʻia´ ke nau maheni mo e ngaahi sēvesi ʻoku ʻatā kiate kinautolu´ kae lava ke tupulaki ʻenau tauʻatāina ʻi he nofo fakaʻaho´.
Lynda Schaaf – 021 043 9787
pe Laine Telefoni – 0800 030 902