Ko ho tohi fakataukei ki hono fakahaofi e fānau mei he Mīsele´, Moo´ mo e Lupela´ (pe Mīsele Siamane´)
Ko e huhu maluʻi MMR ʻoku taʻetotongi ia ki he fānau kotoa pē ʻo aʻu ki he taʻu 18.
Ko e Mīsele´ ko ha mahaki fakatuʻutāmaki lahi ki heʻetau fānau´ mo e komiunitii´
Ko e mahaki´ ni ʻoku pipihi ngofua ʻaupito´ pea ala fakatuʻutāmaki lahi ki he moʻui´, ʻo aʻu e niʻihi ki he niumōnia, mofi ʻuto pea iku mo e niʻihi ki he mate.
Ka ʻe lava hono fakaʻehiʻehi´ ʻaki hono fakakakato e huhu maluʻi MMR ʻa ia ʻe toe tokoni ki hono maluʻi e fānau´ mei he Moo´ mo e Mīsele Siamane´.
Ko e huhu maluʻi´ ko e founga lelei taha ia ki hono fakahaofi kitautolu mei he mofele ʻa e Mīsele´, Moo´ mo e Mīsele Siamane´.
Ko hotau fatongia tefito´ ʻa hono lehilehiʻi mo maluʻi ʻetau fānau´
ʻOku ala lahi e uesia ‘a e Mīsele´, Moo´ mo e Mīsele Siamane´ ki heʻenau moʻui lelei´ pea iku mo ha niʻihi ki he mate.
ʻOku mahino e ngaahi faingataʻa kuo tau fuesia he moʻui lelei hotau komiunitii´, pea mahino ʻe lava ke ikunaʻi ʻeni ʻi heʻetau fāitaha´.
Ko e huhu maluʻi MMR ʻoku taʻetotongi ki he taha kotoa ʻoku taʻu 18 pe siʻi hifo ai. ʻOku ʻikai mahuʻinga ia pe ʻoku´ ke visa pe nofo fonua pe ʻikai. ʻOku toe ʻatā foki e huhu´ ki he niʻihi ʻaʻahi mai ki Nuʻu Sila ni´.
Ko e huhu maluʻi MMR ʻoku taʻetotongi ia ki he kakai kotoa pē ʻoku lahi he taʻu 18 ʻo kapau ʻoku nau nofo fonua pe ʻatā ke ke maʻu faitoʻo taʻetotongi ʻi Nuʻu Sila´ ni.
