Polokalama Teuaki Ngāue´

POU Tuʻu Kalikali

Ko e polokalama POU – Tuʻu Kalikali ʻa e Sosaieti Tonga ki he Moʻui Lelei´, ko ha polokalama maʻa´ e toʻutupu Pasifiki´ ʻi ha siasi kehekehe ʻe 14 mo e komiunitī ʻo ʻOkalani´.

ʻOku ʻatā e ngāue´ ni ki he taha kotoa pē ʻi he komiunitii´. Ka ʻoku fakatefito ʻenau tokanga´ ki he toʻutupu´, kakai kumi hūfanga/hiki fonua mai´, kakai ʻi he komiunitī LGBTQ, niʻihi faingataʻaʻia´, kakai Mauli, Pasifiki, mo e niʻihi ngāue pōpula kuo nau feinga fakafokifoki ki he komiunitii´.

Back to English

Ko e taumuʻa ʻo e ngāue´ ko hono fakaola lelei e feinga ʻetau toʻutupu´, kae lava ke nau tānaki ki he ola lelei mo e tuʻuloa ʻetau komiunitii´ ʻi heʻenau maʻu faingamālie ki he ako´ mo e ngaahi ngāueʻanga´.

Ko hono poupoua e mateuteu ʻetau toʻutupu´ ki he ngāue´ ʻe lava ke nau kau kakato ai mo ʻenau ngaahi fāmili´, fakaai, akoʻi mo fakamafaiʻi kinautolu ki ai. ʻE hoko ʻenau maʻu ngāue´ ko e fakakoloa ki heʻenau moʻui´ pea ʻāsili ai ‘enau tokoni ki he fakalakalaka ʻa e komiuntii´ fakalūkufia kae pehē ki honau ngaahi fāmili´ fakafoʻituitui.

ʻE tauhi leva kinautolu ke nau ngāue lelei pea kau mai, pea maʻu mei ai ha ola lelei ʻi he moʻui fakaʻekonōmika´, fakasōsiale´, fakafāmili mo fakakomiunitii´.

Ngāue ʻoku kau ai POU Stand-tall

Lao ki he Malu mo e Moʻui Lelei´
Laukonga ‘i he Lea faka-Pilitānia´
Komipiuta´ mo e ʻilo ki he Tekinolosia Fetuʻutaki´
Palani Fakalakalaka Ngāue Fakapalofesfinale´ mo e fokotuʻu taumuʻa´
Polokalama Ako´ mo e ngaahi ʻApiako Ngāue´
Polokalama Faitoʻo Konatapu mo Kava Mālohi ʻa e Toʻutupu´
Maʻuʻanga paʻanga WINZ
Hala Fononga & Fakataukei ki he Hiki Lakanga´
Langa mo e fakalelei e tuʻunga fakapaʻanga´
Faʻu Tohi Puipuituʻa ki heʻete Ako mo e Ngāue´
(pe CV)

Ko e taumuʻa ʻemau ngāue´ ko hono teuaki lelei ʻetau fānau´ ki he ngāue´ pea ʻoku kau ki ai e ngaahi polokalama ko eni´:

Laiseni Fakaʻuli
Teuteu ki he fakaʻekeʻeke fakangāue´
Tohi Kole Ngāue – mītia´
ʻAʻahi nofo totongi mo e maʻu ʻapi´
Tokoni fefolauʻaki´ mo e hiki fonua´
Sēvesi fakafaitoʻo mo fakasōsiale´
Faleʻi fakalao
Taʻemaʻu Ngāue´ & Ngaahi Tohi Aleapau´
Kulupu Kumi Totonu Ngāue´ mo e ngaahi Kulupu Fakatahataha´
Sivi HEADS (Fakaʻekeʻeke fakalūkufua ki he moʻui ʻetau longaʻi fānau´)

IOU

Ko e Vaʻa ki he Ola Fakatahataha´ (pe Integrated Outcomes Unit) mo e ngaahi senitā fakafaitoʻo´ te nau tauhi e hohoko taʻemamotu ʻa e tokoni ʻoku fai maʻa´ ʻetau ngaahi fāmili´ ʻaki ʻenau fakatahatahaʻi ha ngaahi founga tokoni fakafaitoʻo mo ha ngaahi founga tokoni kehe maʻa´ ʻetau ngaahi fāmili´ mo e toʻutupu´ ke nau maʻu ola lelei ʻi he ngaahi toʻutangata´ hono kātoa pea fokotuʻu ai ha ngaahi tefitoʻi fakakaukau ki he fakalakalaka fakakomiunitii´.