Ko e hā ‘a e My Covid Record? 

Ko e My Covid Record ko ha uepisaiti malu ia ‘oku fakahā atu ai kiate koe ho lekooti fekau‘aki mo e COVID-19 peá ne toe faka‘atā atu foki koe ke ke kole ‘a ho‘o Vaccine Pass (Ngofua ki he Huhu Malu‘í) ke ngāue‘aki ‘i Nu‘u Silá ni mo ha International Travel Vaccination Certificate (Tohi Fakamo‘oni Huhu Malu‘i ki he Fefolau‘akí) ke ngāue‘aki ‘i tu‘apule‘anga. Te ke toe lava foki ‘amui ange ‘o sio ki he ngaahi ola ‘o ha fa‘ahinga sivi COVID-19 kuó ke fakahoko. 

Te ke lava ‘o hū ki he My Covid Record ‘aki ha‘o vakai atu ki he https://mycovidrecord.health.nz/ 

Kapau ‘oku ‘ikai ke ke lava ‘o hū ki he My Covid Record ‘i he ‘initanetí, pe te ke fie kole ha ngofua ki he huhu malu‘i ma‘á ha tokotaha kehe, te ke lava ‘o telefoni mai kiate kimautolu ‘i he fika 0800 222 478 pea ‘e teuteu‘i leva ‘e he timi tokoní ‘a ho‘o ngofua ki he huhu malu‘í pe tohi fakamo‘oní ma‘á u. 

Ko ha fakamo‘oni nai ‘a e My Covid Record ki he folau ki tu‘apule‘anga? 

Te ke lava ‘o kole ha International Travel Vaccination Certificate ‘o fou ‘i he My Covid Record. 

Ko e hā ‘a e founga teu ala hū ai ki he My Covid Record? 

‘I he taimi te ke lēsisita atu ai ki he My Covid Record, te ke fokotu‘u ai ha My Health Account, ‘a ia te ne faka‘atā ai koe ke ke hū atu ‘i he ‘initanetí ki he fakamatala fekau‘aki mo ho‘o mo‘ui leleí. 

Vakai ki he Peesi 3 ki ha fakahinohino ‘oku fakasitepu fekau‘aki mo e lēsisita ko ia ‘i he My Covid Record. 

Ko hai ‘e lava ‘o sio ki he fakamatala ko ia ‘i he My Covid Record? 

Ko koe tokotaha pē te ke lava ‘o sio ki ho ngaahi fakaikiikí – ‘oku ngāue‘aki ‘e ho‘o My Health Account ha founga malu ‘aupito ki hono malu‘i ‘o e fakamatala fekau‘aki mo koé. 

Ko e hā ha ngaahi sitepu kuo fakahoko ke malu‘i ai ‘a e tu‘unga malu ‘a ho‘o fakamatala fakafo‘ituituí (privacy)? 

Kuo mau talanoa ki he Office of the Privacy Commissioner (‘Ofisi ‘o e Komisiona ki he Malu ‘a e Fakamatalá) mo e Government Chief Privacy Officer (‘Ōfisa Pule ‘a e Pule‘angá ki hono Malu‘i ‘o e Fakamatalá) pea hokohoko atu foki hono ma‘u mai ‘enau fale‘í lolotonga ‘emau fa‘u ‘a e sēvesí. Kuo fakakakato ha Privacy Impact Assessment (Fakafuofua‘i ‘o e Uesia ‘o e Malu ‘a e Fakamatalá - PIA) pea ‘e faka‘aonga‘i ki ai ‘a e ngaahi fakalelei fakamuimi tahá ki hono ngaahi nāunau mo e founga ‘o hono ngāue‘akí. 

‘E lava nai ke u sio ai ki he ngaahi lekooti fekau‘aki mo e Covid ‘o e mēmipa ‘o hoku fāmili? 

‘I he lolotonga ní ‘oku ‘ikai faka‘atā ‘e he My Covid Record hano fakafehokotaki ke fakatahataha‘i ha ngaahi ‘akauni fakatokolahi ki he mo‘ui leleí (multiple health accounts): ‘oku fiema‘u ke ‘i ai ‘a e ‘akauni ‘a e tokotaha takitaha. 

‘E founga fēfē ‘a hono ngāue‘aki ‘e he fānaú ‘a e My Covid Record? 

‘E lave ‘e he kakai ta‘u 12 mo lahi angé ke fokotu‘u ha‘anau ‘akauni My Covid Record. ‘E fiema‘u hanau tu‘asila ‘īmeili mo ha me‘a fakapepa ‘oku fakabgofua ke ngaūe‘aki ke ‘ilo‘i mei ai kinautolu, hangē ko ha tohita‘u na‘e ma‘u atu mei Nu‘u Sila pe ko ‘Aositelēlia. Kapau ‘oku ‘ikai malava ke fokotu‘u ha ‘akauni, ‘e lava ke telefoni ha taha ‘o e ongo mātu‘á pe tokotaha tauhi ki he fika 0800 222 478 ke fokotu‘utu‘u hano ma‘u ‘o ha fakamo‘oni ki he tu‘unga ‘o e huhu malu‘i. 

‘E ‘ikai lava ke fokotu‘u ‘e kinautolu si‘i hifo ‘i he ta‘u 12 ha My Health Account. 

‘Oku fēfē kapau ‘oku ‘i ai ha‘aku faka‘eke‘eke fekau‘aki mo hoku ngaahi fakaikiiki ‘oku hā ‘i he My Covid Record? 

Kapau ‘oku ‘i ai ha‘o faka‘eke‘eke ki ho‘o ngaahi lekooti fekau‘aki mo e Covid, ‘imeili ki he timi ‘a e Ministry of Health ‘i he help@mycovidrecord.min.health.nz pe telefoni mai kiate kimautolu ‘i he fika 0800 222 478, 8 pongipongi ki he 5 efiafi, Mōnite ki he Falaite. 

‘E founga fēfē ha‘aku ma‘u ha tokoni ki he My Covid Record? 

Kapau ‘oku ‘ikai ma‘u atu ‘a e tali ki ho‘o fehu‘í ‘i he fakahinohino ko ‘ení pe kei fiema‘u pē ha tokoni, ‘imeili ki he timi ‘a e Ministry of Health ‘i he help@mycovidrecord.min.health.nz pe telefoni mai kiate kimautolu ‘i he fika 0800 222 478, 8 pongipongi ki he 5 efiafi, Mōnite ki he Falaite.

Ko e lēsisita ki he My Covid Record 

Kimu‘a ke ke hū atu ki he My Covid Record, ‘e fiema‘u ke ke ‘uluaki fokotu‘u ha My Health Account ke hū ai ‘i he ‘initanetí ki ho‘o fakamatala ki he mo‘ui leleí. 

Kapau ‘oku te‘eki ai ke ke fokotu‘u ha My Health Account, vakai ki he https://www.health.govt.nz/our-work/digital-health/other-digital-health-initiatives/my-health-account ke ke ako ai ki he founga hono kamata‘í. 

1. Hili hono fokotu‘u ‘o ho‘o My Health Account, vakai ki he https://mycovidrecord.health.nz/ pea fili‘i ‘a e Log In. 

2. Kapau ko ho‘o login (fakangofua ki he hū atu) ki he My Health Account ko ha username (hingoa) mo e password (fakangofua), fakahū ‘a e fakamatala ko ‘ení pea fili ‘a e Log in. Kapau na‘á ke ngāue‘aki ‘a e RealMe ke ke lēsisita ai, fili‘i ‘a e me‘a lomi RealMe.

3. Hili ha lava lelei ho‘o lēsisitá, te ke a‘u atu leva ki he My Covid Record. Te ke lava ‘o sio ai heni ki he ngaahi lekooti ‘o ho huhu malu‘í, ma‘u ha ngofua ki he huhu malu‘i pe certificate (tohi fakamo‘oni), pe sio ki he ngaahi ola ‘o ho‘o siví. 

Kole ‘o ho‘o Ngofua ki he Huhu Malu‘í (Request My Vaccine Pass) 

1. Hū atu ki he My Covid Record ‘i he https://mycovidrecord.health.nz 

2. ‘I he konga ki he Passes and certificates, fili‘i ‘a e Request pass or certificate 

3. ‘E ‘asi atu ‘a e peesi ki he Select a pass or certificate. Fili‘i ‘a e My Vaccine Pass pea fili‘i ‘a e Continue 

4. ‘I he peesi ki he Your Details, fakahū atu ‘a e tu‘asila ‘imeili ke ‘oatu ki ai ‘a ho‘o ngofua ki he huhu malu‘í pea fili‘i ‘a e Request Pass 

5. ‘E ‘asi atu leva ‘a e peesi kuo fakapapau‘i eni 

Fili‘i ‘a e Return to homepage ke ke foki ai ki he peesi kamata ki he My Covid Record. 

Kole ‘o e Tohi Fakamo‘oni Fakavaha‘a Pule‘anga ki he Huhu Malu‘í 

1. Hū atu ki he My Covid Record ‘i he https://mycovidrecord.health.nz 

2. ‘I he konga ki he Passes and certificates, fili‘i ‘a e Request pass or certificate 

3. ‘E ‘asi atu ‘a e peesi ki he Select a pass or certificate. Fili‘i ‘a e International certificate pea toki fili ‘a e Continue 

4. ‘I he hā atu ‘a e peesi ki he Your Details , fakahū atu ‘a e tu‘asila ‘imeili ke ‘oatu ki ai ‘a ho‘o tohi fakamo‘oní pea fili‘i leva ‘a e Request certificate 

5. ‘E ‘asi atu leva ‘a e peesi kuo fakapapau‘i eni 

Fili‘i ‘a e Return to homepage ke ke foki ai ki he peesi kamata ki he My Covid Record. 

Click below to download the guide as a pdf file.